Muborak Ramazon oyi munosabati bilan «Vaqf» xayriya jamoat fondi va uning hududlardagi filiallarida xayr-saxovat va insonparvarlikka qaratilgan ezgu tadbirlar izchil davom etmoqda. Ayniqsa, fazilatli kunlarda o‘zgalar parvarishiga muhtoj, nogironligi bor, ehtiyojmand oilalar holidan xabar olish, ko‘ngli o‘ksik insonlarni qo‘llab-quvvatlashga alohida eʻtibor qaratilmoqda. Xususan, kecha fondning Andijon viloyati filiali tomonidan homiylarni jalb qilgan holda yana bir savobli ishga qo‘l urildi. Shu kuni viloyat hududida istiqomat qilib kelayotgan, boquvchisi vafot etgan, yolg‘iz va ehtiyojmand 13 ta oilalar holidan xabar olindi. Turmush tarzi, muammolari o‘rganildi. Homiylarning xayriya oziq-ovqat mahsulotlari yetkazib berildi.
