Prezidentimiz tashabbusi bilan «Ramazon – mehr-muruvvat, ahillik va shukronalik oyi» degan ezgu g‘oya asosida yurtimiz bo‘ylab o‘tkazilayotgan xayr-saxovat tadbirlari davomida ko‘ngli o‘ksik kishilar, bemorlar, keksalar, ehtiyojmand oilalar holidan xabar olinayotgani chinakam mehr-muruvvatning, ahillikning ifodasi bo‘lyapti, desak yangilishmagan bo‘lamiz.
Kecha O‘zbekiston musulmonlari idorasi Toshkent viloyati vakilligi, «Vaqf» xayriya jamoat fondining Toshkent viloyati filiali tomonidan ana shunday tadbir tashkil etildi. Toshkent viloyati bosh imom-xatibi D. Ikromov, filial rahbari M. Sultonov, hamda Sadr ota jome masjidi imom-xatibi F. Izzatillaevlar tumanning «Gulbog‘» mahalla fuqarolar yig‘ini hududi Chorbog‘ ko‘chasida yashovchi ehtiyojmand oila holidan xabar olib, xonadon ahllari bilan birga iftorlik qilishdi.
Iftorlik dasturxoni atrofida go‘zal suhbat uyushtirilib, xayrli duolar qilindi.
